CRODOLDUS

CRODOLDUS

fluv. Gal. le Crou, quibusdam Gaunissensis fluvius dictus, la riviere de Gonnesse, ortus in finibus Parisiorum, attingit Luperas, Lovures en Parisis, Gunsanaevillam, Gousainville, Tillidum aut Telleium Tillay, Castellionem Chastillon, Gannissam, Gonesse, Bonogilum Bonevil, et Bigargium Gorges: ibi fluviolum Rodonum recipit, vulgo dictum Rone, e Cersilla Cerselle, atque Ermenovilla Arnouville venientem. Tum alium amnem admittit, qui per Trimilidum vel Trembleium Tremblay, perque Villampictam Villeperinte, et Sabiniacum Savigny decurrit, auctusque rivô Ceuronum Ceuran, Fontanetum Fontenay, atque Alnetum Aunay alluente, per Albamdomum Blancum-Mansionile vulgo dictam, Blanc-Mesnil, et per Pontem-Iblonem in Crodoldum labitur. Non his contentus incrementis Crodoldus, infra vicum Duniaecum vel Dugni duos rivos aut si mavis amniculos capit, alterum e Graulido vel Groolaio Grôlay, Datentiaco Diancy, et Burgulo le Bourges; alterum ex

Balbiniaco Bobigny, Aquâbonâ Eaubonne, et Curte-nova la Court-neuve descendentes. Demum postquam Catolacum Regiô Monasteriô S. Dionysii nobilem olim vicum, nunc oppidum irrigavit, adiunctô sibi Mardretô Alberti villaris rivulô, ac flexuosis recurfibus pererravir, in Sequanam influit contra insulam S. Diony sii Marryris nomine illustrem, asperam rupibus, et piscatorum casulis insessam. Hadr. Vales. Notit Gall.